સેવન સી ન્યૂઝ
સુરત મનપા સેન્ટ્રલ ઝોન વૉર્ડ 12 શાહપોર,તાંતવાડા મદીના મસ્જીદની ગલીમાં ફૂટપાથના વૉટરટેબલની કામગીરી માં વેઠ ઉતારતા કોન્ટ્રાકટર સામે સ્થાનિકોએ વિરોધ નોંધાવી કામગીરી અટકાવી હતી.ચાલુ વરસાદમાં અગાઉથી લાગેલા કોટાસ્ટોન પથ્થરના ચારેબાજુના ખાંચા કોતરી રેતી અને સિમેન્ટ ના લેપડા મારી કામગીરી કરી રહેલા કોન્ટ્રાકટર ને ચાલુ કામેં અટકાવી પાલિકાના અધિકારીને જાણ કરવામાં આવી હતી.પાલિકાના અધિકારીઓની બેદરકારી અને લાપરવાહીના કારણે કોન્ટ્રાક્ટરો બેફામ બન્યા છે.ફૂટપાથ રીપેરીંગના 10 મિનિટમાં વરસાદથી સિમેન્ટ અને રેતીનું ધોવાણ થતા ઠેર ઠેર એજ પરિસ્થિતિ જોવા મળી હતી.
કોન્ટ્રાક્ટરો પાસેથી મસમોટા બીલો પાસ કરવા માટે કટકીરૂપે કમિશન લેતા હોવાની ચર્ચાઓ પણ ઉઠી છે.
સ્થાનિકોએ કોન્ટ્રાક્ટરને બ્લેકલીસ્ટ કરવા અને તમામ બીલો અટકાવી કાર્યવાહી કરવા પાલિકા કમિશનર શ્રી ને રજુઆત કરશે.
વિકાસ ની ગાથા..ચાલુ વરસાદે ચાલતી ફૂટપાથ રીપેરીંગ ની કામગીરી.. સ્થાનિકોમાં આક્રોશ..
Comments
Post a Comment