ગુજરાતના 6 પોલીસ કર્મીઓને તપાસની શ્રેષ્ઠ કામગીરી માટે ગૃહ મંત્રાલયે એવોર્ડ આપવાની જાહેરાત કરવામાં આવી છે.

સેવન સી ન્યૂઝ

સુરતના ત્રણ પોલીસ કર્મચારીઓને એવોર્ડ માટે પસંદ કરાયા છે.

ગૃહ મંત્રાલય દ્વારા તપાસની શ્રેષ્ઠ કામગીરી માટે ગુજરાતના 6 પોલીસ કર્મીઓને આગામી 15 ઓગસ્ટના રોજ આ એવોર્ડ આપવામાં આવશે.ગુજસીટોકના ઓરાપીઓ સામે તપાસની શ્રેષ્ઠ કાર્યવાહી કરવા બદલ આ તમામ પોલીસ કર્મચારીઓની પુરસ્કાર માટે પસંદગી કરવામાં આવી છે.

ગૃહ મંત્રાલય તરફથી એવોર્ડ આપવાની જાહેરાત કરતા ગુજરાત પોલીસ બેડામાં ખુશીની લાગણી જોવા મળી રહી છે.જેમાં સુરતના ત્રણ પોલીસ કર્મચારીઓને એવોર્ડ માટે પસંદ કરાયા છે. જે સુરત પોલીસ માટે ગૌરવની વાત છે. તો અમદાવાદ ક્રાઈમ બ્રાન્ચના PI દર્શનસિંહ બારડ અને એ. વાય. બલોચની પણ પુરસ્કાર માટે પસંદગી કરાઈ છે. જ્યારે સુરતના DCP વિધી ચૌધરી,PI મહેન્દ્ર સાલુંકે અને PI મંગુભાઈ તડવી પુરસ્કાર માટે પસંદગી કરાઈ છે.

દેશના 152 પોલીસ કર્મચારીઓને આ વર્ષે યુનિયન હોમ મિનિસ્ટર મેડલ ફોર એક્સિલન્સ ઈન ઈન્વેસ્ટીગેશન મેડલથી નવાજવામાં આવનાર છે. ઉત્કૃષ્ઠ તપાસ કામગીરી માટે આ તમામ પોલીસ કર્મચારીઓને સન્માનિત કરવામાં આવનાર છે. આ વર્ષ 2021 ના એવોર્ડમાં સૌથી વધુ સીબીઆઈના 15 પોલીસ કર્મચારીઓ સામેલ છે. તો 152 માંથી 28 મહિલા પોલીસ કર્મચારી છે. કેન્દ્રીય ગૃહ મંત્રાલયે આજે આ માહિતી આપી છે.

આ પોલીસ કર્મચારીઓને મળશે એવોર્ડ 


• ASP નિતેશ પાંડેય  - જામનગર 

• DCP વિધી ચૌધરી - સુરત

• PI મહેન્દ્ર સાલુંકે - 

• PI મંગુભાઈ તડવી - 

• PI દર્શનસિંહ બારડ - અમદાવાદ ક્રાઇમ બ્રાન્ચ 

• PI એ.વાય બલોચ -  અમદાવાદ ક્રાઇમ બ્રાન્ચ